ဂျပန်မှာ ကျောင်းသားတွေအများဆုံး တွေ့ကြုံလေ့ရှိတဲ့ အခက်အခဲ ၂၊၊ | 日本で働きたいミャンマー人材向け求人サイト「MingalaValue（ミンガラバリュ）」

ဂျပန်ကိုကျောင်းလာတက်ရင်ကြုံတွေ့ရလေ့ရှိတဲ့အခက်အခဲအကြောင်းယခင်တပတ်ကလည်းကို၃ချက်ခွဲပြီးပြောပြခဲ့ပြီးပါပြီ၊၊ဒီတပတ်မှာလည်း နောက်ထပ်ကြုံတွေ့လေ့တဲ့ အခက်အခဲနှင့် ပတ်သတ်ပြီး အနည်းငယ် ထပ်ပြီးပြောပြ ချင်ပါတယ်၊၊

နိုင်ငံရပ်ခြားကိုလာပြီးပညာသင်ကြတဲ့အခါကြုံတွေ့ရတဲ့အခက်အခဲတွေကတစ်ယောက်နှင့်တစ်ယောက်မတူညီနိုင်ပါဘူး၊၊

ငွေကြေးစီမံခန့်ခွဲနိုင်မှု

ကိုယ့်ရဲ့ ၀င်‌ငွေ၊ထွက်ငွေ တွေကို ကောင်းစွာ စီမံခန့်ခွဲနိုင်မှု ကလည်း တစ်ယောက်တည်း နိုင်ငံရပ်ခြားမှာရပ်တည် ရတဲ့သူတွေအတွက် အရမ်းကိုအရေးကြီးပါတယ်၊၊ မိဘတွေနှင့်အတူတူနေစဥ်အချိန်ကတော့အလုပ်လုပ်လို့လစာရရင်မိဘကိုအားလုံးအပ်၊ လိုအပ်ရင်မိဘဆီက ပြန်တောင်းသုံး နေလို့ရခဲ့ပေမယ့်ကိုယ်တစ်ယောက်တည်းနိုင်ငံရပ်ခြားမှာနေရတဲ့အခါကိုယ့်ရဲ့ ၀င်ငွေ ထွက်ငွေကိုသေချာ မစီမံ မခန့်ခွဲနိုင်ရင် ပြသနာဖြစ်လာနိုင်ပါတယ်၊၊ ဂျပန်မှာနိုင်ငံခြားကျောင်းသားတွေအတွက် အလုပ်လုပ်ချိန်ကို တစ်ပတ် ၂၈နာရီဆိုပြီးသတ်မှတ်ထားပါတယ်၊၊သတ်မှတ်အလုပ်ချိန်ကျော်လွန်အောင်အလုပ်လုပ်ပြီး ၀င်ငွေအရမ်းများနေရင် visa သက်တမ်းတိုးတဲ့ အခါ ပြဿနာရှိနိုင်ပြီး၊ visaသက်တမ်းထပ်တိုးလို့မရတဲ့အတွက် တိုင်းပြည် ပြန်သွားရတဲ့ သူတွေလည်းအများကြီးရှိပါတယ်၊၊အထူးသဖြင့်ကိုယ့်ကျောင်းစရိတ်ကိုယ်ရှာပြီးကျောင်းတက်နေရတဲ့သူတွေအတွက် ကိုယ့်ရဲ့၀င်ငွေ ထွက်ငွေတွေကို သေချာစီမံခန့်ခွဲနိုင်ဖို့လိုပါတယ်၊၊ ကျောင်းလခ၊ အိမ်လခ၊ ရေဖိုးမီးဖိုး၊ ကျမ်းမာရေးခွန် ၊နေထိုင်ခွန်၊ အထွေထွေအသုံးစရိတ် စသည်ဖြင့် ကုန်ကျစရိတ်တွေအရမ်းများလွန်းတဲ့ အပြင် ကျောင်းသားတစ်ယောက်ရဲ့ အလုပ်လုပ်ချိန်ကလည်း ကန့်သတ်ထားတဲ့အတွက် ကိုယ်ရဲ့၀င်ငွေကို သေချာစီမံခန့်ခွဲတတ်မှ အဆင်ပြေနိုင်မှာပါ၊၊

Share House (စုပေါင်းနေထိုင်ခြင်း)

မြန်မာပြည်မှာကတည်းက ခင်လာတဲ့သူတွေဘဲဖြစ်ဖြစ် ဂျပန်ရောက်မှ သိ‌တဲ့သူတွေဘဲဖြစ်ဖြစ် ဘယ်လောက်ပဲခင်ခင် အပြင်မှာခင်တာနဲ့ အတူတူတစ်အိမ်တည်းနေထိုင်ရတာမတူပါဘူး၊၊ ကိုယ့်မိသားစုအချင်းချင်းတောင် တခါတလေမှာ အဆင်မပြေတာတွေရှိနိုင်သလိုဂျပန်ရောက်မှ စသိရတဲ့ သူစိမ်းအချင်းချင်းအတူတူနေတဲ့အခါ တစ်ယောက်နှင့်တစ်ယောက် သည်းခံပြီးနားလည်မပေးနိုင်ရင်‌ရေရှည်မှာအဆင်မပြေမှုတွေဖြစ်လာနိုင်ပါတယ်၊၊ ဂျပန်မှာကျောင်းတက်တဲ့အခါ တစ်ယောက်နဲ့တစ်ယောက် ကျောင်းချိန်တွေမတူညီကြသလို အလုပ်လုပ်တဲ့ အချိန်တွေကလည်း မတူညီကြပါဘူး၊၊ဥပမာကိုယ်က မနက်စောစောထပြီး အလုပ်သွားရတဲ့သူဖြစ်နေပေမယ့် ကိုယ်နှင့် အတူတူနေတဲ့သူက ညဘက် တစ်ညလုံးအလုပ်လုပ်ပြီး မနက်မှ အိပ်ရတဲ့သူဖြစ်နေတဲ့အခါမျိုးမှာ တစ်ယောက်နှင့်တစ်ယောက် နားလည်ပေးနိုင်ဖို့က အရမ်းကို အရေးကြီးပါတယ်၊၊ တစ်ယောက်တည်းနေတဲ့သူတွေအတွက်ကတော့ ပြဿနာမရှိပေမယ့်အများနဲ့အတူတူစုပေါင်းနေတဲ့သူတွေအတွက် တော့လိုက်လျောညီထွေနေတတ်ပြီးသည်းခံတတ်ဖို့နှင့် ပြဿနာတစ်ခုခုဖြစ်လာတဲ့အခါကောင်းမွန်စွာဖြေရှင်းတတ်ဖို့လိုပါတယ်၊၊ အများနှင့်အတူတူနေတဲ့အခါကိုယ်အိမ်မှာနေခဲ့သကိုယ့်စိတ်တိုင်းကျနေလို့မရပါဘူး၊၊အိမ်မှာမိသားစုနှင့် အတူတူနေခဲ့တဲ့အချိန်တုန်းကတော့ ကိုယ့်ရဲ့မိဘ ညီအကို မောင်နှမတွေကကိုယ့်ကို ချစ်မျက်လုံးနှင့် ကြည့်နေတဲ့အတွက်အတွက် ကိုယ့်ရဲ့ အကျင့်စရိုက်တွေကို နားလည်ခွင့်လွှတ်ပေးနိုင်ပေမယ့် ဂျပန်နိုင်ငံမှာ ကျောင်းတက်ရင်း အတူတူနေကြတဲ့သူတွေက ကိုယ့်ကို ချစ်တဲ့ ကိုယ်မိသားစုတွေမဟုတ်ဘူးဆိုတာပါဘဲ။ အခြေအနေတစ်ခုခုကြောင့် အတူတူ နေကြရတဲ့အတွက် တစ်ယောက်နဲ့တစ်ယောက်နားလည်ပေးဖို့က အရမ်းအရေးကြီးပါတယ်၊၊ တစ်ယောက်နှင့်တစ်ယောက်သည်းခံပြီးနားမလည်ပေးနိုင်လို့ ပြဿနာတွေဖြစ်ပြီး နောက်ဆုံးမှာမ ခေါ်နိုင်မပြောနိုင် ဖြစ်သွားရတဲ့သူတွေလည်းအများကြီးရှိပါတယ်၊၊ ဒါတွေကတော့ ဂျပန်နိုင်ငံတစ်ခုပဲ မဟုတ်ဘဲ နိုင်ငံရပ်ခြားကိုသွားပီး ပညာသင်တဲ့အခါ အများဆုံးကြုံတွေလေ့ရှိတဲ့ အခက်အခဲတွေပါ၊၊တစ်‌ယောက်နှင့်တစ်ယောက်ကြုံတွေ့လေ့ရှိတဲ့အခက်အခဲတွေမတူညီနိုင်ပေမယ့် အထက်မှာရှင်းပြထားတဲ့ အချက်တွေကတော့ ဂျပန်မှာ အများဆုံးကြုံတွေ့လေ့ရှိတဲ့ အခက်အခဲ တွေပါ။ ၊

年収400万円အထက် IT社会人向けအတွက် အလုပ်ခေါ်စာများအတွက် ထိုလင့်မှတဆင့်မိမိတို့လုပ်လိုသောအလုပ်များရှာ‌ဖွေနိုင်ပါတယ်။

Credit
Alley Par Dawh
Mingalavalue.jp
Facebook:Japan Myanmar Job & Knowledge
株式会社アルバイトタイムス 外国人採用支援サービス