ဂျပန်စာ အရည်အချင်းတိုးတက်အောင် ဘယ်လိုလေ့လာမလဲ | 日本で働きたいミャンマー人材向け求人サイト「MingalaValue（ミンガラバリュ）」

ဂျပန်မှာ ကျောင်းကောင်းကောင်းတက်ချင်တယ်၊ အလုပ်ကောင်းကောင်းရချင်တဲ့ သူတွေအတွက် ဂျပန်စာအရည်အချင်းက အရမ်းကိုအရေးကြီးပါတယ်၊၊ တချို့တွေကဂျပန်မှာနေတာကြာသွားရင်ဂျပန်စကားသူ့အလိုလိုတတ်လာလိမ့်မယ် လို့ထင်တတ်ကြပါတယ်၊၊နေ့စဥ်သုံးစကားပြောတွေလောက်တော့ဂျပန်မှာနေတာကြာသွားရင်လူတိုင်းပြောလာနိုင် ပေမယ့်တကယ့် professional ကျကျ ပြောကြေးဆိုရင် မပြောနိုင်တဲ့ သူတွေအများကြီးရှိပါတယ်၊၊

စကားတတ်တာနှင် စာတတ်တာ မတူပါဘူး၊၊တက္ကသိုလ်ကောင်းကောင်းမှာ တက်နိုင်ဖို့၊ အလုပ်ကောင်းကောင်း ရနိုင်ဖို့ဆိုရင်တော့ စကားတတ်ယုံနှင့် မလုံလောက်ပါဘူး၊စာတတ်ဖို့လည်းလိုပါတယ်၊၊ ဂျပန်မှာကျောင်းသားအများစုက အချိန်ပိုင်းအလုပ်လုပ်ရင် ကျောင်းတက်ရတဲ့သူတွေများတဲ့အတွက် စာကြည့်ချိန်သီးသန့်ပေးပြီး စာကြည့်နိုင်ဖို့အချိန်မရှိသလောက်ရှားပါတယ်၊၊ အရမ်းပင်ပန်းနေပေမယ့်လည်းကိုယ့်ရဲ့အနာဂတ်ဆိုင်တဲ့အတွက် ဂျပန်စာအရည်အချင်းတိုးတက်အောင်ဘယ်လို စာကြည့်သင့်တယ် ဆိုတဲ့ အချက်နှင့်ပတ်သတ်ပြီး ပြောပြချင်ပါတယ်၊၊

အချိန်ကို အကျိုးရှိစွာအသုံချတတ်ခြင်း

လူတိုင်း ၂၄ နာရီ ရှိတာချင်းအတူတူ တချို့တွေက အရမ်းအောင်မြင်နေပြီးတချို့တွေကဘာကြောင့်မအောင်မြင်နိုင် တာလဲ၊အခြားသူတွေကျ စာကြည့်ဖို့ အချိန်ရှိပြီး ကိုယ့်ကျမှ အချိန်မရှိဘူးလို့ ဘာကြောင့်အော်နေရတာလဲ၊၊ သေချာတာက သင့် အချိန်တွေကို သင် ကောင်းစွာအသုံးမချတတ်သေးလို့ဖြစ်ပါတယ်၊၊ ဘာသာစကားတစ်ခုကိုလေ့လာတဲ့အခါ စာကြည့်စာပွဲမှာထိုင်ပြီး စာကျက်နေယုံနှင့် ဘာသာစကားတစ်ခုကို ကျွမ်းကျင်စွာတတ်မြောက်ဖို့ မလွယ်ကူပါဘူး၊၊ Writing၊Reading၊ Listening၊Speaking Skills လေးမျိုးလုံးကိုညီတူညီမျှအသုံးပြုနိုင်ငံမှ ဘာသာစကားတစ်ခုကိုကျွမ်းကျင်စွာ တတ်မြောက်တယ်လို့ သတ်မှတ်နိုင်မှာပါ၊၊

Writing Skill

Writing Skill တိုးတက်ဖို့အတွက် အခြေခံ သဒ္ဒါကို ကျွမ်းကျင်စွာတတ်မြောက်ဖို့ အရမ်းကို အရေးကြီးပါတယ်၊၊ Grammar ကို ကိုယ်တိုင်Self-Study လုပ်ပြီးလေ့လာဖို့ ခက်ခဲတဲ့အပြင် အခြေခံ သဒ္ဒါ သဘောတရားတွေက ကျွမ်းကျင်တဲ့ဆရာ၊ဆရာမတွေ တွေသင်ကြားပေးတာကို သေချာစွာလိုက်မှတ်နိုင်ပြီး ကိုယ်တိုင် နားလည် သဘောပေါက်နိုင်မှအသုံးပြုနိုင်မှာ ဖြစ်ပါတယ်၊၊ ဒါကြောင့် ကျောင်းမှာ ဆရာတွေစာသင်တဲ့အခါ သေသေချာချာနားထောင်ပြီး မှတ်သားတတ်ဖို့လိုပါတယ်၊၊ဒါ့အပြင် Writing Skill တိုးတက်ဖို့အတွက် စကားလုံးတွေအများကြီးကို သိထားဖို့လည်းလိုအပ်ပါတယ်၊၊ စကားလုံးအသစ်တွေကို အချိန်ပေးပြီး မကျက်မှတ်နိုင်တဲ့သူတွေအတွက် စကားလုံးတွေကိုအမြဲလေ့လာလို့ရအောင် ဘယ်သွားသွား vocabulary စာအုပ်တစ်အုပ်လောက် အမြဲဆောင်ထားမယ်ဆိုရင် ရထာစောင့်ရင်း၊ ကားစောင့်ရင်း ဖတ်နိုင်သလို ရထားစီးတဲ့အချိန်တွေကလည်း စာလေ့လာလို့ ရတဲ့အချိန်တွေပါပဲ၊၊ ပါးစပ်က တတွတ်တွတ်ရွတ်ပြီးအာဂုံဆောင်နိုင်မှ စာရတာမဟုတ်ပါဘူး၊၊ စကားလုံးတွေကို အချိန်ရတိုင်း ကြည့်နေခြင်းအားဖြင်း မျက်စိထဲမှတ်မိလာပြီး မျက်စိထဲ မှတ်မိနေတဲ့အခါ ဦးနှောက်က လည်းတဖြည်းဖြည်းမှတ်မိလာပါတယ်၊၊ ဒီနည်းကတော့ အချိန်သီးသန့်ပေးပြီး စာမကျက်နိုင်တဲ့သူတွေအတွက် အရမ်းကို အဆင်ပြေပါတယ်၊၊

Listening Skill

ဂျပန်မှာရှိနေတဲ့သူတွေအတွက်ကတော့ ဂျပန်စကားကို အမြဲတမ်းကြားနေရတဲ့အတွက် Listening ပိုင်းမှာတော့ အခက်အခဲအများကြီးမရှိပါဘူး၊၊ ကိုယ်က စကားလုံးအသစ်တွေနှင့် အဆင့်မြင့်မြင့် စကားလုံးအသုံးတွေကို လေ့လာချင်တယ်ဆိုင်ရင် သတင်းတွေများများနားထောင်ပါလို့ အကြံပေးချင်ပါတယ်၊၊ သတင်းတွေအများစုက ဂျပန်စာ စာတမ်းထိုးတစ်ခါတည်းပါပြီးသားဖြစ်တဲ့အတွက် Listening skillတစ်ခုတည်းသာမက reading skill ပါတိုးတက်လာနိုင်ပါတယ်၊၊ ဒါ့အပြင်စကားလုံးအသစ်တွေကိုလည်းအများကြီးလေ့လာနိုင်ပါတယ်၊၊

Speaking Skill

စကားပြောစွမ်းရည်တိုးတက်ဖို့ဆိုရင်စကားများများပြောဖို့နှင်မရှက်တတ်ဖို့လိုပါတယ်၊၊ကျောင်းမှာ ၊အချိန်ပိုင်းအလုပ်တွေမှာ ဂျပန်တွေနှင် ရင်းနှီးအောင်ပေါင်းပြီး သင်ယူခြင်းကဂျပန်စကားတတ်မြောက်ဖို့ အလျင်မြန်ဆုံးနည်းလမ်းပါ၊၊ဒါအပြင်ဂျပန်animationကြိုက်တဲ့သူတွေဆိုရင်လည်း animationတွေမှတဆင့် စကားပြော၊ အသံထွက်တွေနှင့် စကားလုံးအသုံးအနှုန်းတွေကို လေ့လာနိုင်ပါတယ်၊၊

Reading Skill

မြန်မာအများစုအကြောက်ဆုံးနှင့်အခက်ဆုံးအပိုင်းကတော့Readingနှင့်ခန်းဂျီပါ၊၊ခန်းဂျီးဖတ်နိုင်ဖို့၊ရေးတတ်ဖို့ကတော့ကိုယ်ကိုယ်တိုင်အချိန်ပေးပြီးလေ့ကျင်းနိုင်မှအဆင်ပြေမှာပါ၊၊ Readingတိုးတက်ဖို့ဆိုရင်တော့ စကားလုံးတွေအများကြီးသိထားဖို့လိုပါတယ်၊၊စကားလုံတွေမသိဘူဆိုရင် ဖတ်လည်းနားနိုင်မှာမဟုတ်ပါဘူး၊၊ဒါကြောင့်ဂျပန်စာ Readingအရမ်းညံ့တယ်ဆိုတဲ့သူတွေအတွက် စကားလုံတွေများများသိအောင်လေ့လာပါလို့အကြံပေးချင်ပါတယ်။‌ဒီနေရာမှာသတိထားရမှာကတော့တချို့ စကားလုံးအသစ်တွေအများကြီးသိနေပေမယ့် Readingအရမ်းညံ့တဲ့သူတွေရှိပါတယ်၊၊ စာများများဖတ်ဖို့လိုအပ်သလို တချို့စကားလုံးတွေက မြန်မာလိုတိုက်ရိုက်ဘာသာပြန်လို့ မရတဲ့စကားလုံးတွေ လည်းရှိပါတယ်၊၊ဒါကြောင့် စာပိုဒ်တစ်ပိုဒ်ကို ဖတ်တဲ့အခါ မြန်မာလို တစ်လုံးခြင်းဘာသာပြန်ပြီး စဥ်းစားနေမယ်ဆိုရင်တော့ သင့်ရဲ့ Reading skill တိုးတက်လာနိုင်မှာမဟုတ်ပါဘူး၊၊

年収400万円အထက် IT社会人向けအတွက် အလုပ်ခေါ်စာများအတွက် ထိုလင့်မှတဆင့်မိမိတို့လုပ်လိုသောအလုပ်များရှာ‌ဖွေနိုင်ပါတယ်။

Credit
Alley Par Dawh
Mingalavalue.jp
Facebook:Japan Myanmar Job & Knowledge
株式会社アルバイトタイムス 外国人採用支援サービス