အလုပ်ကြိုတင်ခန့်အပ်စာ (内定) ရပြီးလျှင်ဘာဆက်လုပ်သင့်သလဲ? | 日本で働きたいミャンマー人材向け求人サイト「MingalaValue（ミンガラバリュ）」

ဂျပန်မှာ 就職活動（しゅうしょくかつどう）လုပ်နေတဲ့ကျောင်းသားတွေရဲ့ အဓိက ရည်ရွယ်ချက်ကတော့ ကုမ္ပဏီကောင်းကောင်းမှာ အလုပ်ကောင်းကောင်ရဖို့ဖြစ်ပါတယ်၊၊ကိုယ်မျှော်မှန်းထားတဲ့ကုမ္ပဏီမှာအင်တာဗျူးအောင်မြင်ပြီး အလုပ်ကြိုတင်ခန့်အပ်စာလက်ခံရရှိတဲ့အခါ就職活動（しゅうしょくかつどう）အလုပ်ရှာဖွေခြင်း ထပ်လုပ်စရာမလိုတော့ပါဘူး၊၊

ဒါကြောင့်ဒီတပတ်မှာတော့ကိုယ်မျှော်မှန်းထားတဲ့ ကုမ္ပဏီမှအလုပ်ကြိုတင်ခန့်အပ်ခြင်းခံရတဲ့အခါနောက်ထပ်လုပ်ဆောင်ရမည့် အချက်တွေနှင့်ပတ်သက်ပြီး Knowledge Sharing လေးလုပ်ချင်ပါတယ်၊၊

အလုပ်ကြိုတင်ခန့်ခြင်းအကြောင်းကြားစာ

နောက်ဆုံးအဆင့် အင်တာဗျူးပြီးတဲ့အခါ အင်တာဗျူးအောင်မြင်ကြောင်းနှင့် အလုပ်ခန့်လိုက်ပြီဖြစ်ကြောင်းကုမ္ပဏီမှ ဖုန်း(သို့)အီးမေးလ်ဖြင့် အကြောင်းကြားဆက်သွယ်ပြီးတဲ့အခါ နောက်တစ်ဆင့်အနေဖြင့်ကုမ္ပဏီလိပ်စာ၊ အလုပ်၀င်ရမည့်ရက် စသည်တို့ကိုရေးသားထားသော内定通知書(အလုပ်ကြိုတင်ခန့်စာ)ကို စာတိုက်မှတဆင့်ပေးပို့လေ့ရှိပါတယ်၊၊အကယ်၍ အလုပ်ခန့်ကြောင်းကုမ္ပဏီမှဆက်သွယ်အကြောင်းကြားပြီး (၂)ပတ်အတွင်းမိမိထံသို့ 内定通知書 (အလုပ်ကြိုတင်ခန့်စာ)ရောက်မလာခဲ့လျှင်ကုမ္ပဏီသို့ ဆက်သွယ်မေးမြန်းဖို့လိုအပ်ပါတယ်၊၊အကြောင်းအမျိုးမျိုးကြောင့်တစ်စုံတစ်ရာ အမှားယွင်းဖြစ်ခဲ့ရင်အလုပ်ကြိုတင်ခန့်အပ်ကြောင်းသက်သေအထောက်အထားဖြစ်တဲ့ စာရွက်စာတမ်းတွေကိုလက်၀ယ်ကိုင်ဆောင်းထားမှ သင်ကိုယ်သင်ကာကွယ်နိုင်မှာဖြစ်ပါတယ်၊၊

အလုပ်ခေါ်စာတွင် ပါ၀င်သောအချက်များကိုစစ်ဆေးခြင်း

နောက်ထပ်အရေးကြီးတဲ့အချက်ကတော့ အလုပ်ကြိုတင်ခန့်စာရရှိထားသော ကုမ္ပဏီတွင်အလုပ်၀င်ရန် မဆုံးဖြတ်မှီ အလုပ်ခေါ်စာတွင်ပါ၀င်သောအချက်အလက်၊မိမိတာ၀န်ယူလုပ်ကိုင်ရမည့်အလုပ်၊နေရာနှင့် ခံစားခွင့်တွေကို သေချာအောင်ကုမ္ပဏီနှင့် ပြန်ပြီးဆွေးနွေဖို့လိုအပ်ပါတယ်၊၊ တစ်ခါတစ်ရံမှာ အလုပ်ခန့်စဥ်ကပြောထားတဲ့အချက်တွေနှင့် အလုပ်၀င်ပြီးတဲ့အခါ လုပ်ရတဲ့အလုပ်တွေကိုက်ညီမှုမရှိတဲ့အပြင်လစာ၊အချိန်ပိုကြေး၊ Bonus စတဲ့ခံစားခွင့်တွေကွဲလွဲနေတာမျိုးရှိတတ်တဲ့အတွက်အလုပ်မ၀င်ခင်ကတည်းကကုမ္ပဏီရဲ့ HRနှင့် သေချာပြန်ပြီးဆွေးနွေးထားဖို့လိုအပ်ပါတယ်၊၊


အလုပ်ကမ်းလှမ်းစာလက်ခံရရှိပြီးတဲ့နောက်ကုမ္ပဏီထံသို့ အလုပ်ကမ်းလှမ်းချက်အား လက်ခံကြောင်း(သို့) ငြင်းပယ်ကြောင်း အကြောင်းကြောင်းကြားဖို့လိုအပ်ပါတယ်၊၊ အလုပ်၀င်ရန်ဆုံးဖြတ်ထားသူအနေနဲ့ ကုမ္ပဏီထံသို့ အလုပ်လက်ခံကြောင်းအီးမေးလ်(သို့)ဖုန်းဖြင့်အကြောင်းကြားခြင်းအပြင် အလုပ်ကြိုတင်ခန့်အပ်စာ（内定）လက်ခံစဥ်က အတူတွဲပါလာတဲ့承諾書 (しょうだくしょ)ကတိက၀တ် သဘောတူစာချုပ်ဖြင့် အကြောင်းကြားစာ ပြန်ပို့ရန်အပ်ပါတယ်၊၊承諾書(しょうだくしょ) ကို လက်ခံလိုက်ပြီးတဲ့အခါမှာ ဘာတွေ လိုက်နာရမလဲ ၊ဘာတွေအရေးကြီး လဲဆိုတာတွေကိုလည်း နောက် ပိုစ်တခုမှာ ‌ဝေမျှသွားပါမယ်။ အကယ်၍ အလုပ်လက်ခံကြောင်းကုမ္ပဏီသို့ 承諾書(しょうだくしょ)ကိုသတ်မှတ်ချိန်အတွင်းပြန်မပို့ ခဲ့လျှင်ကုမ္ပဏီမှသင့်အားအလုပ်ကမ်းလှမ်းချက်ကို ပယ်ဖျက်သွားနိုင်တဲ့အတွက်အထူးသတိထားဖို့လိုအပ်ပါတယ်။


အကြောင်းအမျိုးမျိုးကြောင့် အလုပ်ကမ်းလှမ်းချက်တွေကိုလက်မခံနိုင်တဲ့အခါမျိုးမှာလည်းယဥ်ကျေးစွာ ငြင်းပယ်တတ်ဖို့လိုပါတယ်၊၊ ကုမ္ပဏီဘက်ကလည်း သင့်ကိုအလုပ်ကမ်းလှမ်းရန် အချိန်နှင့်ငွေကြေးအမြောက်အများအသုံးပြုထားရတဲ့အပြင်သင့်အနေနဲ့အလုပ်ကမ်းလှမ်းချက်ကို လက်မခံတဲ့အခါ သင့်ရဲ့နေရာမှာ အခြားတစ်ယောက်ကိုအစားထိုးရန်လိုအပ်ပါတယ်၊၊ဒါကြောင့်အလုပ်ကမ်းလှမ်းချက်တွေကိုလက်မခံနိုင်တဲ့အခါ မှာလည်းကုမ္ပဏီသို့အကြောင်းမကြားဘဲမနေသင့်ပါဘူး၊၊ လက်မခံနိုင်ကြောင်း နှင့် အလုပ်ခန့်အပ်ပေးတဲ့အတွက်ကျေးဇူးတင်ကြောင်းပြောပြီးငြင်းဆိုမှုပြုလုပ်သင့်ပါတယ်၊၊

အထက်မှာပြောပြပေးခဲ့တဲ့အချက်တွေကတော့ လုပ်ကြိုတင်ခန့်အပ်စာ（内定）ရရှိပြီးလျှင် သတိထားလုပ်ဆောင်သင့်တဲ့အချက်တွေဘဲဖြင်ပါတယ်၊၊ Knowledge Sharing အနေနဲ့ဝေမျှခြင်းဖြစ်တဲ့အတွက် မေးမြန်းချက်၊ အကြံပေးချက်တွေရှိရင် Comment မှတဆင့် အကြံပေးမေးမြန်းနိုင်ပါတယ်၊၊

年収400万円အထက် IT社会人向けအတွက် အလုပ်ခေါ်စာများအတွက် ထိုလင့်မှတဆင့်မိမိတို့လုပ်လိုသောအလုပ်များရှာ‌ဖွေနိုင်ပါတယ်။

Credit
Alley Par Dawh
Mingalavalue.jp
Facebook:Japan Myanmar Jobs & Knowledge
株式会社アルバイトタイムス 外国人採用支援サービス