ဂျပန်တွင် အလုပ်ပြောင်းလျှင် အလုပ်ထွက်ပြီးမှ ရှာသင့်သလား။မထွက်ခင် အလုပ်ရှာပြီးမှ ပြောင်းသင့်သလား။

အလုပ်လာရှာတဲ့ မောင်ငယ်ညီမငယ်တွေ တော် တော်‌မေးခြင်းခံရတဲ့မေးခွန်းဖြစ်ပါတယ်။ အလုပ်ရှာမယ့်သူတွေနေရာက ခံစားပြီးပြောရရင် အလုပ်မထွက်ခင် အလုပ်ကြိုရှာပါ။ အလုပ်ခန့်စာ ရပြီးမှ အလုပ်ထွက်ဖို့ အလုပ်ကို ပြောပါလို့ပြောပါမယ်။ အရင်ဆုံးပြောချင်တာ

၁။အလုပ်ဗီဇာအကြောင်းပါ။

အလုပ်ထွက်ပြီးအလုပ်ရှာပါက လဝက ဥပဒေ အရ ၃ လ အတွင်းအလုပ်ရအောင် မဖြစ်မနေ ရှာရပါမယ်။ အကယ်၍ ၃လအတွင်း အလုပ်မရခဲ့သည် ရှိသော် အလုပ်ဗီဇာ ပယ်ဖျက် ပြီး အလုပ်ရှာ ဗီဇာကို၃လသာ ရနိုင်မည် ဟု လဝက ဥပဒေမှာပါပါတယ်။လဝကအား အကြောင်းမကြားဘဲနေလျှင် တချိန် လဝကမှာ ဗီဇာတိုးလျှင်ဖြစ်ဖြစ် ၊ လဝက အားအကြောင်းမကြားဘဲ အလုပ်မရမရှိခင် ကာလာကြား မိမိရဲ့ 生活 အတွက် အချိန်ပိုင်းအလုပ်လုပ်ခဲ့သည်ရှိသော် အလုပ်ဗီဇာနှင့် အချိန်ပိုင်းအလုပ်လုပ်နေသည်ဆိုပြီး ပြသနာ ဖြစ်ခဲ့လျှင် အလုပ်ဗီဇာ ပယ်ဖျက်ခံရနိုင်ပါသည်။
ထို့ကြောင့် အလုပ်ပြောင်းချင်ပါက မိမိအလုပ်မထွက်ခင် အရင် အလုပ်ရအောင်ရှာပါ။အလုပ်ထွက်ပြီး၃လအတွင်း အလုပ်ရအောင်ရှာနိုင်တယ်ဆိုပါက ကိစ္စမရှိပါဘူး။

၂။အင်တာဗျုးတွင် အလုပ်ဝင်မည့်ကာလ ညှိနှိုင်းပါ။

ဥပမာ -အင်တာဗျုးသည် ၈လပိုင်း အစဖြစ်ပါက အင်တာဗျုးအောင်လျှင် အလုပ်ခန့်စာရမှာသည် ၈လပိုင်း လ လယ်လောက်ဖြစ်နိုင်ပါသည်။ထိုအခါ မိမိ လက်ရှိလုပ်နေသော အလုပ်သည် ၁ လ ကြိုပြောပါ ထွက်လို့ရနိုင်သည် ဆိုပါက အတိုးအလျှော့ ၁လခွဲလောက် ၁၀လ ပိုင်းလောက် ဝင်နိုင်သည်ဖြစ်ဖြစ် ပြောပါ။ အကယ်၍ မိမိအလုပ် သည် ၃လ လောက်ကြိုပြောမှ ရမည် ဆိုပါက အင်တာဗျူးတွင် တခါထဲ ညှိပါ။ အခု ပရောဂျက်သည် အရေးကြီးပြီး မိမိ မရှိပါက တခြားသူတွေအား အနှောက်အယှက်ဖြစ်နိုင်ကြောင်း။ အဲ့ဒီအတွက် သူတပါးအား 迷惑 အနှောင့်အယှက် မ ပေးချင်ကြောင်း‌သေချာ အင်တာဗျုးတွင် ပြောပါ ။ ထို့အတွက် အလုပ်ဝင်နိုင်သော ကာလသည် အလုပ်ခန့်စာ ရပြီး နောက်၃လ အကြာတွင် ဝင်နိုင်သည်ဟု ပြောပါ။
အလုပ်ပြောင်းသည့်အခါ အလုပ်ရှင်များသည် ၆လ လောက် စောင့်ပေးသော အလုပ်ရှင်များမရှိပါ။ အဘယ်ကြောင့်ဆိုသော် မိမိတို့လုပ်ငန်းသည်လည်း လူလိုနေ၍ အလုပ်ခေါ်နေခြင်းဖြစ်တဲ့အတွက် ၆လ လောက် အကြာကြီး ၉၅ရာခိုင်နှုန်းသောလုပ်ငန်းရှင်များ က မစောင့်ပေးကြပါ။ အများဆုံးစောင့်ပေးကာလသည် ၃လ သာဖြစ်ပါသည်။
ထို့ကြောင့် နောက်ဆုံးပြောချင်တာကတော့ အကုန် save ဖြစ်အောင်အလုပ်မထွက်ဘဲ အလုပ်အရင်ရှာပါလို့ဘဲ ပြောချင်ပါတယ်။ အလုပ်တဖက် ၊အလုပ်ရှာရတာ တဖက် ပင်ပန်းတာတော့ရှိပါမယ်။ဒါပေမယ့်အလုပ် ပြောင်းချင်ပါက ကြိုးစားရုံကလွှဲ၍ မရှိပါ။

၃။ အင်တာဗျုးအချိန်ကို ညှိကြည့်ပါ

ဥပမာ -လုံးဝလွတ်လွတ်ကျွတ်ကျွတ်ဗျုးနိုင်မည့် အလုပ်ပြီးချိန်များဖြစ်သည့် ည ရး၀၀ နောက်ပိုင်း အင်တာဗျုးနိုင်သည်။(သို့) စနေ ၊တနင်္ဂနွေများ အင်တာဗျုးပေးပါသလားဆိုတာမျိုး အရင်ညှိကြည့်ပါ။ မရပါက နေ့ဝက်ခွင့်ယူတာ ၊ နည်းနည်းစောပြန်လို့ရမယ့် ရက်ကို ညှိပြီး အင်တာဗျုး အချိန်များကိုညှိပါ လို့ဘဲ ပြောချင်ပါတယ်။
နယ်က သူများအတွက် အလုပ်ပြောင်းတဲ့ အခါ အလုပ်ရှာနည်းနှင့် အလုပ်ပြောင်းတဲ့ အခါ အင်တာဗျုးမှာ ဖြေပုံဖြေနည်းများနှင့် ကောင်းမွန်တဲ့ နှုတ်ဆက်ခွဲခွါနည်းများကို လည်းထပ်ရေးပေးသွားပါမယ်။ မိမိတို့၏ အတွေ့အကြုံများလည်း ဝင်ရောက်ဆွေးနွေးပေးကြပါနော်။ ကျေးဇူးတင်ပါတယ်။

‌‌ဂျပန်ရောက်မြန်မာလူမျိုးများအတွက်အလုပ်ခေါ်စာများနှင့်Information တွေတင်ပေးနေတဲ့အပြင် အလုပ်နဲ့ပတ်သတ်ပြီး Knowledge နှင့်ဆွေးနွေးတိုင်ပင်အကြံပေးတာမျိုးပြုလုပ်ပေးနေတဲ့ MingalaValue Web site နှင့်Japan-Myanmar Jobs & Knowledge Page မှာRegisterလုပ်ထားပြီးလည်းInformationတွေကိုလည်းစုဆောင်းထားနိုင်ပါတယ်။

年収400万円အထက် IT社会人向けအတွက် အလုပ်ခေါ်စာများအတွက် ထိုလင့်မှတဆင့်မိမိတို့လုပ်လိုသောအလုပ်များရှာ‌ဖွေနိုင်ပါတယ်။

Credit
ရေးသားသူ : Khine Zin Kyaw
Mingalavalue.jp
Facebook:Japan Myanmar Job & Knowledge
株式会社アルバイトタイムス外国人採用支援サービス