မင်္ဂလာပါ
ပြီးခဲ့တဲ့အခေါက်က zoomအကောင့်လုပ်ပုံလုပ်နည်းနဲ့အသုံးဝင်ပုံတွေကို ပြောပြပြီးတဲ့နောက်မှာ ဒီတစ်ခေါက်မှာတော့ zoomကိုလူတော်တော်များများလဲ သုံးတတ်နေကြပေမယ့် အများအမြင်မှာ မိမိရဲ့Imageလဲကောင်းအောင်၊ အများလဲအနှောင့်အယှက်မဖြစ်ရအောင် သိထားသင့်တဲ့ manner လေးတွေကို sharing လုပ်ပါရစေနော်။
အခုကျွန်မပြောပြမှာက zoomကိုအသုံးပြုပြီး မီတင်တက်မယ့်သူ (join meetingလုပ်တဲ့သူ) 参加者တွေအတွက်ရည်ရွယ်ပြီးပြောြခင်းဖြစ်ပါတယ်။ ကျွန်မတို့တော်တော်များများက Online Classတွေ၊ အလုပ်မိတ်ဆက်ပွဲတွေ၊ Onlineဆယ်မီနာတွေ၊ အင်တာဗျူးတွေ၊ ဂျပန်မှာအလုပ်ခေါ်တဲ့တချို့ကုမ္ပဏီတွေဆိုရင် グループワーク(group dissection)တွေ၊ စသဖြင့် ကိုယ့်တစ်ယောက်ထဲမဟုတ်ဘဲ အများနဲ့တူတူ စုပေါင်းပြီး တက်ရတဲ့ zoom meeting တွေဆိုရင် အများအတွက်ကို စဥ်းစားပေးဖို့ လိုအပ်တယ်။ အများနဲ့သက်ဆိုင်တဲ့ အရာတွေကို လုပ်တော့မယ်ဆိုရင် manner တွေကိုသိထားသင့်ပြီး လိုက်နာဖို့လဲ လိုအပ်ပါတယ်။ ဒါမှလဲ ကိုယ့်အတွက်လဲ Imageကောင်းမွန်ပြီး အများအတွက်လဲ စိတ်အနှောင့်အယှက်တွေမဖြစ်စေမှာပါ။ ဒါကြောင့်သိထားလိုက်နာနိုင်လျှင်အမြတ် မသိထားလျှင်အရှုံးဖြစ်မည့် အချက်များကို ဝေမျှပါရစေ။

မီတင်မတက်ခင် ကြိုတင်ပြင်ဆင်ထားသင့်တဲ့အချက်

၁၊အင်တာနက်လိုင်းကောင်းအောင်ပြင်ဆင်ထားသင့်ပါတယ်

မီတင်တက်နေရင်းနဲ့ အင်တာနက်ပျက်သွားတာမျိုးဖြစ်ရင် အရေးကြီးတဲ့အချက်အလက်တွေကို မနားထောင်လိုက်ရဘဲ လွတ်သွားနိုင်တာမို့လို့ အင်တာနက်လိုင်းကို မကျနိုင်အောင် ပြင်ဆင်ထားသင့်ပါတယ်။

၂၊ မိမိရဲ့ပတ်ဝန်းကျင်ကလူတွေကို မှာထားသင့်ပါတယ်

မီတင်တက်မယ်ဆိုရင် မိမိနဲ့တူတူနေတဲ့သူတွေ၊ မိသားစုဝင်တွေကို မိမိကိုစကားလာမပြောအောင်နဲ့ အနောက်ကနေဖြတ်လျှောက်တာမျိုးတွေကို မလုပ်အောင် မှာထားသင့်ပါတယ်။ အိမ်ကလူတွေရဲ့အသံတွေ ဒါမှမဟုတ် အိမ်မှာမွေးထားတဲ့ခွေးလေးရဲ့ဟောင်သံတွေက မိမိစကားပြောတဲ့အခါမှာ ပါသွားရင် တဖက်ကနားထောင်နေတဲ့သူတွေလဲ သေချာမကြားရတဲ့အပြင် စိတ်အနှောင့်အယှက်ဖြစ်စေတာမို့ မလိုအပ်တဲ့အသံတွေမပါရအောင် သေချာမှာထားသင့်ပါတယ်နော်။

၃၊ မီတင်မစခင် ၅မိနစ်၊ ၁၀မိနစ်ခန့် ကြိုတင်ဝင်ထားသင့်ပါတယ်

မီတင်မစခင် ၅မိနစ်၊၁၀မိနစ်ခန့် ကြိုတင်ဝင်ထားသင့်ပါတယ်၊ ဘာလို့လဲဆိုတော့ မီတင်တစ်ခုမစခင်မှာ အဲဒီရဲ့ မီတင်Linkထဲကနေဝင်လို့ရရဲ့လား? ကိုယ့်ရဲ့ရုပ်နဲ့ နောက်ခံအလင်းအမှောင် Backgroundတွေရော သေသေချာချာပြတ်ပြတ်သားသား မြင်ရရဲ့လား? အင်တာနက်ကော်နရှင်ရောမိရဲ့လား? အသံထွက်ကရောကောင်းရဲ့လား? နားကြပ်တပ်ပြီးအသုံးပြုမယ့်သူဆိုရင်တော့ နားကြပ်ကရော သေချာကြားရဲ့လား? စသဖြင့် ဖြစ်လာနိုင်မယ့် risksတွေကို သေချာစဥ်းစားပြီး အချိန်ယူကြိုတင်ပြင်ဆင်သင့်ပါတယ်။
နောက်ထပ်အကြောင်းပြချက်တစ်ခုကတော့ မြန်မာနိုင်ငံမှာတော့ အချိန်နဲ့ပတ်သက်ရင် သိပ်ပြီးစည်းကမ်းမကြီးပေမယ့် ဂျပန်မှာကတော့ သတ်မှတ်ထားတဲ့အချိန်ထက် တစ်မိနစ်နောက်ကျရင်တောင် နောက်ကျတတ်တဲ့လူ အချိန်မလေးစားတဲ့လူ လို့သတ်မှတ်ခြင်းခံရပြီး အများရဲ့အမြင်မှာ မိမိရဲ့Imageကျပါတယ်နော်။ ဒါကြောင့်မို့လို့ မီတင်စမယ့်သတ်မှတ်ထားတဲ့အချိန် မရောက်ခင် ၅မိနစ်၁၀မိနစ်လောက် ကြိုတင်ပြင်ဆင်ထားသင့်ပါတယ်။ သတိထားရမယ့်တစ်ချက်ကတော့ မီတင်စတာက သတ်မှတ်ထားတဲ့အချိန်မှာပဲစတာပါ ဥပမာ ၁၀နာရီစမယ့်မီတင်ကို မိမိက ၉:၅၀လောက်ကတည်းက ကြိုဝင်ထားရင်လဲ ဘာမှပေါ်လာမှာမဟုတ်ပါဘူး။ မီတင်စမယ့်အချိန်မရောက်သေးတဲ့အတွက်ကြောင့် ခနစောင့်ပေးပါဆိုတဲ့ စာကြောင်း၊ သို့မဟုတ် Hostဆီကနေခွင့်ပြုချက်စောင့်နေတုန်းပါ ဆိုတဲ့Messageပေါ်လာပါလိမ့်မယ်နော်။ ပြဿနာမရှိပါဘူး အဲဒါကိုလောနေစရာမရှိပါဘူး သတ်မှတ်ထားတဲ့ ၁၀နာရီဆိုတာနဲ့ ဟိုဘက်ကလူတွေရဲ့ရုပ်တွေပေါ်လာပါလိမ့်မယ်။ ဘာမှမပေါ်လာသေးဘူးဆိုပြီး မီတင်လုပ်တဲ့လူကို ဖုန်းဆက်အကြောင်းကြားတာမျိုးတွေကလဲ တဖက်လူကိုစိတ်အနှောင့်အယှက်ဖြစ်စေနိုင်တာမို့ မလောဘဲနဲ့အချိန်ကိုစောင့်လိုက်ပါ။ စောင့်နေတဲ့အချိန်အတောအတွင်းမှာ အပေါ်မှာပြောထားတဲ့အချက်တွေ မိမိဘက်ကသေချာအောင် ပြင်ဆင်ထားလိုက်ပါ။

၄၊ Noteလိုက်မှတ်ဖို့အတွက်ပြင်ဆင်ထားပါ

မီတင်Joinတော့မယ်ဆိုရင် တဖက်လူကပြောတဲ့အရေးကြီးတဲ့အချက်အလက်တွေကို လိုက်မှတ်ဖို့အတွက် ရေးမှတ်စရာ စာရွက်၊စာအုပ်၊ဘောပင်၊ခဲတံ တွေကိုပြင်ဆင်ထားသင့်ပါတယ်နော်။ မီတင်စပြီးတော့မှ မှတ်စရာမရှိလို့ လိုက်ရှာနေရတာမျိုးဆိုရင် အချိန်ကုန်တဲ့အပြင် အရေးကြီးတဲ့အချက်အလက်တွေကိုလဲလွတ်သွားနိုင်တာမို့လို့ ကြိုတင်ပြင်ဆင်ထားဖို့လိုအပ်ပါတယ်။

သတိထားရမည့်အချက်နှင့် မလုပ်သင့်တဲ့အချက်များ

၁။ အသံပိတ်ထားပါ (Mute Offထားပါ)

ဒီအချက်က အရမ်းအရေးကြီးလို့ သေချာဖတ်ပြီးလိုက်လုပ်စေချင်ပါတယ်။ အင်တာနက်ကနေဆင့် အများနဲ့သုံးနေရတဲ့ softwareဖြစ်တဲ့အတွက် စကားပြောတဲ့သူအပြင် နားထောင်တဲ့သူတွေပါ အသံဖွင့်ထားရင် တခြားသူတွေဘက်မှာ မလိုအပ်တဲ့အသံတွေ ဝင်သွားပြီး အနှောင့်အယှက်ဖြစ်စေပါတယ်။ အလုပ်မိတ်ဆက်ပွဲတွေတက်တဲ့အခါကျရင် ကျွန်မတို့လို နိုင်ငံခြားသားတွေက အသံကိုဖွင့်ထားကြတာတော်တော်များများကိုတွေ့ရတယ်။ အဲဒီအခါအလုပ်အကြောင်းပြောနေတဲ့ဟာက အသံတွေထပ်ပြီးအရေးကြီးတာတွေကို မကြားလိုက်ရတာမျိုးရှိပါတယ်။ အဲဒါကကျွန်မအတွက်လဲ တစ်ကယ့်တစ်ကယ်ကိုစိတ်အနှောင့်အယှက်ဖြစ်ရပါတယ်။ သတိထားသင့်ပါတယ်နော်။ ကိုယ်စကားပြောရမယ့်အလှည့် မရောက်မချင်းကို အသံပိတ်ထားပါ (MuteOffထားပါ)၊ စကားပြောရမယ့်အလှည့်ရောက်ရင်တော့ အသံပြန်ဖွင့် (MuteOn)လုပ်ပြီး စကားပြောပြီးရင်တော့ ပြန်ပိတ်ဖို့ မမေ့ပါနဲ့နော်။ MuteOnလုပ်ထားလို့ အသံတွေဝင်နေတာမျိုးဆိုရင် တချို့ကသတိပေးမယ့် တဖက်မှာလဲ အချိန်အကန့်အသတ်နဲ့ လုပ်နေရတဲ့မီတင်ဖြစ်တဲ့အတွက် မိမိကိုသတိပေးနေမယ်ဆိုရင် အချိန်တွေကုန်နေတာမို့လို့ စိတ်အနှောင့်အယှက်ဖြစ်ပေမယ့် သတိမပေးတာမျိုးတွေလဲရှိပါတယ်။ သတိမပေးဘူးဆိုတိုင်း အဆင်ပြေတယ်လို့မထင်စေချင်ပါဘူးနော် မိမိဘက်ကတော့ ကောင်းအောင်သတိထားဂရုစိုက်သင့်ပါတယ်။

၂။ အမူအရာ

Online Class、Business Meeting、 Interview、 Online Seminar、Job fair စသဖြင့် အလုပ်နဲ့ပတ်သက်ပြီး တက်ရတဲ့မီတင်မျိုးတွေဆိုရင် မိမိရဲ့အမူအရာတွေကို သတိထားသင့်ပါတယ်နော်။ Job fairတို့ Interviewတို့လို အလုပ်လျှောက်ဖို့အတွက်လုပ်တဲ့မီတင်ဆိုရင် တဖက်လူက မိမိကိုအလုပ်ခန့်မယ့်သူတွေက မိမိရဲ့အမူအရာတွေကို စောင့်ကြည့်ပြီးအမှတ်ပေးနေတာမျိုးဖြစ်တဲ့အတွက် ပိုပြီးဂရုစိုက်သင့်ပါတယ်။ တချိန်လုံးအောက်ငုံ့ပြီး တစ်ခုခုကိုလုပ်နေတာမျိုးမဟုတ်ဘဲနဲ့ ဖုန်း/ကွန်ပျူတာScreen ကိုကြည့်ပြီး တဖက်ကပြောနေတဲ့အကြောင်းအရာပေါ်မှာ သေသေချာချာစိတ်ဝင်စားနေတဲ့အကြောင်းကို အမူအရာကနေတဆင့်ပြောပြပါ။ အပြင်မှာလူချင်းတွေ့ပြီးစကားပြောနေတာနဲမတူဘဲ အွန်လိုင်းကနေတဆင့် ပြောဆိုဆက်ဆံနေရာဖြစ်တဲ့အတွက်ကြောင့် မိမိရဲ့အမူအရာတွေကို အပြင်ထက်တောင်ပိုပြီးသတိထားသင့်ပါတယ်နော်။

၃။ ဝင်လိုက်ထွက်လိုက်လုပ်တာ

Zoomမီတင်မှာ တစ်ယောက်ယောက်ကဝင်လာတာနဲ့ တစ်ယောက်ယောက်ကထွက်သွားတာမျိုးဆိုရင် မီတင်တက်နေတဲ့လူတွေအားလုံးဆီကို ဘယ်သူကထွက်သွားပါပြီ ဘယ်သူကဝင်လာပါပြီဆိုတဲ့ messageပေါ်တာဖြစ်တဲ့အတွက်ကြောင့် အဲဒီmessageကတခြားလူတွေကိုစိတ်အနှောင့်အယှက်ဖြစ်စေတဲ့အပြင် မီတင်လုပ်တဲ့သူကလဲ ကိုယ့်ကိုmannerမကောင်းတဲ့လူလို့ မြင်သွားနိုင်တဲ့အတွက်ကြောင့် မီတင်ကိုဝင်လိုက်ထွက်လိုက် လုပ်နေတာမျိုးကို ရှောင်သင့်ပါတယ်နော်။ တချို့မီတင်တွေဆိုရင် တစ်ခါဝင်ပြီးရင်နောက်တစ်ခါဝင်ခွင့်ပိတ်လိုက်တဲ့မီတင်မျိုးတွေလဲ ရှိတဲ့အတွက်ကြောင့် သတိထားသင့်ပါတယ်။

၄။ မသိတာကိုမေးချင်တဲ့အခါ

မီတင်မှာနားမလည်တာတစ်ခုခု မေးချင်တာတစ်ခုခုရှိလာခဲ့ရင် ရုတ်တရက်အသံဖွင့်ပြီး မေးချင်တာရှိပါတယ်ဆိုပြီး ဖြတ်မပြောပါနဲ့၊ Chatဆိုတဲ့ဟာလေးကိုနှိပ်ပြီး စာပို့လို့ရပါတယ်။ ဒါမှမဟုတ် တဖက်လူကရှင်းပြနေတဲ့အချိန်မှာ မိမိမေးချင်တာကိုစာရွက်လေးထဲမှာချရေးပြီး နောက်ဆုံးမသိတာရှိရင်မေးပါ လို့ပြောလာတဲ့အချိန်ကျမှာ အသံကိုဖွင့်ပြီးမေးပါ။ မေးချင်တဲ့သူများနေတဲ့အခါ မိမိမေးချင်တာကိုသတိမထားမိတဲ့အခါမျိးဆိုရင်တော့ လက်ကိုထောင်ပြတာမျိုးနဲ့ Chatဆိုတဲ့နေရာမှာ မေးစရာရှိပါတယ်ဆိုပြီး messageပို့တာမျိုးတွေကိုလုပ်ပြီး အကြောင်းကြားလို့ရပါတယ်။ တဖက်လူကသတိထားမိပြီး မိမိနာမည်ခေါ်ပြီးမေးပါဆိုတော့မှ အဲဒီတော့မှ အသံပိတ်ထားတာကိုဖွင့်ပြီးမေးချင်တာကိုမေးပါနော်။

၅။ Chatလုပ်တဲ့အခါ

မေးချင်တာတစ်ခုခုရှိလို့ Chatကိုနှိပ်ပြီး စာပို့တော့မယ်ဆိုရင်လဲ သိထားသင့်တဲ့အချက်တစ်ခုရှိပါတယ်။ အဲဒါကဘာလဲဆိုတော့ မိမိပို့မယ့်သူကို ရွေးပြီးပို့လို့ရတယ်ဆိုတာပါပဲ။ မိမိက အားလုံးမြင်အောင် အားလုံးကိုနှိပ်ပြီးမက်ဆေ့ပို့မှာလား? Hostတစ်ယောက်ထဲပဲမြင်အောင် ပို့မှာလားဆိုတာကို Chatရဲ့အပေါ်ဘက်မှာ မိမိပို့ချင်တဲ့သူနာမည်ကို ရွေးလို့ရတာမို့လို့ သိထားသင့်ပါတယ်နော်။ အဖွဲ့လိုက်ဆွေးနွေးတဲ့အခါမှာတစ်ယောက်ထဲစကားကိုအကြာကြီးပြောတာ Group Dissectionအဖွဲ့လိုက်ဆွေးနွေးတဲ့အခါမျိုးတွေမှာတော့ မိမိရဲ့အကြံတွေချည်းသတ်သတ်ပြောပြီး တခြားသူတွေပြောဖို့အတွက်အချိန်မချန်ပေးတာမျိုးကတော့ မကောင်းပါဘူးနော်။ အလုပ်ခေါ်တဲ့အခါလုပ်ခိုင်းတဲ့ Group Dissectionတွေဆိုရင် တစ်ကိုယ်ကောင်းဆန်တဲ့သူလို့အမြင်ခံရပြီး အမှတ်လျှော့ခံရတတ်ပါတယ်။ အချန်အကန့်အသတ်နဲ့လုပ်ရတဲ့မီတင်မျိုးတွေဆိုရင် အများကဆွေးနွေးမယ့်အချိန်တွေကိုပါ တွေးပေးသင့်ပါတယ်။

၆။Recordမသွင်းပါနဲ့

Recordလုပ်တယ် မှတ်တမ်းယူတယ်ဆိုတာမျိုးက ခွင့်တောင်းပြီးမှ လုပ်လို့ရတဲ့အရာမျိုးပါ။ ခွင့်မတောင်းပဲ Recordလုပ်တယ်၊ ဓါတ်ပုံရိုက်တယ်ဆိုတာမျိုးက တရားမဝင်ပါဘူးနော်။ အထူးသဖြင့် အလုပ်မိတ်ဆက်ပွဲတွေ၊ အလုပ်အကြောင်းအရေးကြီးတဲ့အချက်အလက်တွေ အပြင်ကိုမပေါက်ကြားရအောင် Recordဆိုတာမျိုးက မလုပ်သင့်ပါ။ မှတ်မိချင်လို့Recordလုပ်မယ် ငါတစ်ယောက်ထဲကြည့်ဖို့Recordလုပ်မယ် ဘာြဖစ်လဲကွာ ဆိုရင်တော့ ပြဿနာရှိပါတယ်။ မိမိကRecordဆိုတာလေးကိုနှိပ်လိုက်ရင် Hostလုပ်တဲ့သူဘက်မှာ ဘယ်သူဘယ်သူက Recordလုပ်နေပါတယ်ဆိုပြီး ပေါ်ပါတယ်။ အဲဒါကြောင့် ကိုယ့်တစ်ယောက်ထဲသဘောနဲ့ Recordမလုပ်ပါနဲ့။ မှတ်မိချင်လို့ Recordလုပ်ချင်သပဆိုရင်လဲ ခွင့်တောင်းပါ။ တဘက်ကခွင့်ပြုတယ်ဆိုမှ Recordလုပ်ပါနော်။ မဟုတ်ရင်ပြဿနာတွေတက်သွားနိုင်တာမို့လို့ သတိထားစေချင်ပါတယ်။

Zoom အသုံးပြုလျှင်လုပ်ဆောင်သင့်တဲ့အရာ

၁။ ဗီဒီယိုကို ဖွင့်ထားပါ

အပြင်မှာ တစ်ယောက်နဲ့တစ်ယောက် မျက်နှာချင်းဆိုင်တွေ့ပြီး စကားပြောနေကြတာ မဟုတ်တဲ့အတွက် မိမိရဲ့မျက်နှာနဲ့ အမူအရာတွေကို တဖက်လူကမြင်နိုင်အောင် ယေဘူယျအားဖြင့်တော့ ဗီဒီယိုဖွင့်ထားရပါမယ်။ ဗီဒီယိုပိတ်ထားရင် မိမိကစိတ်ဝင်စားလား မဝင်စားလား၊ ဘာတွေလုပ်နေလဲဆိုတာ တဖက်လူကမမြင်ရတဲ့အတွက် Imageကျနိုင်တဲ့အပြင် အလုပ်မိတ်ဆက်ပွဲတွေ လိုမျိုးအရေးကြီးတဲ့မီတင်တွေ တက်တဲ့အခါကျရင် အမှတ်လျော့နိုင်ပါတယ်။ ဗီဒီယိုဖွင့်ပြီးမျက်နှာပြတာအရေးကြီးတယ်နော်။

၂။ အသံပိတ်ထားပါ

အပေါ်မှာလဲသေချာရှင်းပြထားပြီးပြီဖြစ်တဲ့အတွက် အကျယ်မရေးတော့ပါဘူးနော်။ အသံပိတ်ထားပေးဖို့လိုအပ်ပါတယ်။

၃။ Noteလိုက်မှတ်ပါ

Noteမှတ်ဖို့လိုအပ်ကြောင်းကို အပေါ်မှာလဲ သေချာရှင်းပြထားပါတယ်။ Group dissection, Business meeting, Job Fairလိုမျိုးအရေးကြီးတဲ့မီတင်ဆိုရင် Noteမှတ်ဖို့အတွက် လိုကိုလိုအပ်ပါတယ်နော်။ နောက်တစ်ခုက အရေးကြီးတာက အလုပ်မိတ်ဆက်ပွဲတွေ(会社説明会) တွေဆိုရင် 人事（HR）အဖွဲ့ကလူတွေက မျက်နှာမပြဘဲနဲ့ အနောက်ကနေ လိုက်ကြည့်ပြီး ဘယ်သူက စိတ်ဝင်တစားနဲ့ Noteနဲ့တကွလိုက်မှတ်နေလဲဆိုတာတွေကို လိုက်ကြည့်ပြီး အမှတ်ပေးနေတာမို့လို့ အရေးကြီးပါတယ်နော်။ မိမိကအလုပ်အပေါ်မှာစိတ်ဝင်တစားရှိတယ် Noteတွေလဲသေချာလိုက်မှတ်နေတယ်ဆိုရင်တော့ မိမိနာမည်ကို မှတ်ထားပြီး အလုပ်လျှောက်တဲအခါကျရင် ဦးစားပေးခံရနိုင်တာမိုလို့ စိတ်မဝင်စားလဲ လိုက်မှတ်ချင်ယောင်ဆောင်လိုက်ပါ။

၄။ ကင်မရာကိုကြည့်ပါ

အပြင်မှာမျက်နှာချင်းဆိုင်တွေ့ကြပြီး စကားပြောနေတာမဟုတ်တဲ့အတွက် မိမိက စကားပြောတော့မယ်ဆိုလျှင် ကင်မရာကိုကြည့်ပြီးစကားပြောပါနော်။ ဘာကြောင့်လဲဆိုတော့ ကင်မရာကိုကြည့်ရင် တဖက်ကScreenမှာ မိမိကတဖက်လူနဲ့ မျက်လုံးချင်းဆုံပြီး စကားပြောနေတဲ့အတိုင်းပေါ်တာမို့လို့ပါ။

၅။ နောက်ခံ Background

ဒီအချက်ကတော့ တော်တော်များများ သတိမထားမိတဲ့သူတွေများလိမ့်မယ်ထင်တယ်။ သတိထားရင်တော့အကောင်းဆုံးပါ။ မီတင်တစ်ခုတက်တော့မယ်ဆိုလျှင် အများစုကတော့ အိမ်ကတေတက်ကြတာများပါတယ်။ အိမ်ကနေတက်ရင်နောက်ခံBackground ကို သပ်သပ်ရပ်ရပ်လုပ်ထားသင့်ပါတယ်နော်။ ဘာကြောင့်လဲဆိုတော့ နောက်ခံBackgroundက မိမိအခန်းရဲ့အိပ်ယာတို့ အရှုပ်ပလုပ်တွေတို့ အဝတ်တွေတွဲလိတွဲလောင်းဖြစ်နေတာမျိုး ဆိုရင်တော့ တခြားလူတွေက ဒါကိုကြည့်ပြီး နှာခေါင်းရှုတ်ကြပါလိမ့်မယ်နော်။ နောက်ခံBackgroundက ရှုပ်ပွနေတာမျိုးဆိုရင် မိမိရဲ့Imageကျတယ်။ အဲလိုမျိုးမဖြစ်အောင် ဘာမှမရှိတဲ့ နံရံကိုနောက်ခံBackground ထားတာမျိုးတို့ လုပ်သင့်ပါတယ်။ ဖုန်းနဲ့သုံးတဲ့သူတွေအတွက် Softwareထဲကနေ နောက်ခံBackgroundကိုပြောင်းလို့မရပေမယ့် ကွန်ပျူတာနဲ့သုံးတဲ့သူတွေအတွက် Setting ထဲကနေ နောက်ခံBackground ပြောင်းလို့ရတာမို့လို့ သုံးကြည့်ပါနော်။

၆။ ခန္ဓာကိုယ်အမူအရာကိုသုံးပါ

အင်တာနက်ကနေတဆင့် စကားပြောနေရတဲ့အတွက် မိမိကဘာကိုပြောချင်တာလဲဆိုတာကို တဖက်လူကို နားလည်အောင်ပြောရတာလဲ မလွယ်လှပါဘူး။ အဲဒါကြောင့်မို့လို့ ခန္ဓာကိုယ်အမူအရာကို သုံးသင့်ပါတယ်။ ဥပမာ တဖက်လူကပြောတာကို မိမိကနားလည်ကြောင်း၊ ကြားရကြောင်းကို ခေါင်းညိတ်ပြပြီး အမူအရာကနေတဆင့် ပြောပြလို့ရပါတယ်။ မိမိရဲ့အမူအရာကိုကြည့်ပြီး တဖက်လူကလဲ ရှင်းပြချင်စိတ်တွေဖြစ်ပေါ်လာတာမို့လို့ ခေါင်းညိတ်ပြီး တဖက်လူရဲ့စကားကို ထောက်ခံပြနေတာက Imageတော်တော်ကောင်းပါတယ်။ အလုပ်မိတ်ဆက်ပွဲနဲ့ group discussionတွေမှာဆိုရင် HRတွေက အမူအရာတွေကိုလဲ ကြည့်ပြီးအမှတ်ပေးနေတာမို့လို့ ဒီအချက်ကို လိုက်လုပ်နိုင်ရင် အမှတ်ကောင်းရရင်ရနိုင်တယ်နော်။

ကျွန်မလေ့လာသိရှိထားတဲ့အချက်များကို ‌မျှဝေလိုက်ရခြင်းဖြစ်သောကြောင့် အားလုံးအတွက်အထောက်အကူပြုနိုင်ပါစေလို့ မျှော်လင့်ပါတယ်။ နောက်အပတ်တွေမှာလဲ နောက်ထပ်စိတ်ဝင်စားစရာဆောင်းပါးများကို ဆက်လက်တင်ပြသွားမှာဖြစ်သောကြောင့် စောင့်မျှော်အားပေးကြပါအုံးလို့ တိုက်တွန်းလိုက်ပါတယ်။

zoomမီတင်တက်တဲ့အခါ သိထားလိုက်နာသင့်သည့် mannerများ | 日本で働きたいミャンマー人材向け求人サイト「MingalaValue（ミンガラバリュ）」